Samiweng ken Ayat
ni Rudy Ram. Rumbaoa
Danggayan ti samiweng ni ayat
'toy idardariragko kenka a riknak,
napnoan ragsak pusok, nagmayat
no ipaaymot' sungbatmo kaniak.
Bay-am a denggem 'toy kantak
kabinnulignat' liriko, maawat;
bitek dagiti puso makikumpas
agaun iti kaunggak a balikas.
Agayus diro di agressat
Ayat iti ayat inna iwaras,
nanamen ragsak ti agpatnag
angesta kasla agpusa-pugsat!
Ah, ayat ken samiweng, ayat
no agdanggayda, nagmayat;
nagpaiduma a marikna iti biag
no saan a barengbareng inna pannakaaramat!
copyright.by.rudy.ram.rumbaoa
No comments:
Post a Comment