Apay?

ni Rudy Ram. Rumbaoa




Apay?

masansan a sabali
ti pangaramatan ti balikas.

uppat a letra: "apay"

ngem no dadduma,
nakabutbuteng iti panakaabusona.

apay koma a masapul,
no saan met a rumbeng?

apay itdenna't kinaimbag,
no awan ti kinaannad?

apay a guraennak,
no dika met guraen?

apay a pilitennak,
no diak met kayat?

apay nga adda saludsod,
no pumusay ti tao?

saan koma a maaramat a pangsuppiat,
apay nga ibagak ti panagpakadak?

[CR///12.05.07///by.rudy.ram.rumbaoa]
____________________________________