ni Rudy Ram. Rumbaoa
Kas ti bituen
Raniag ti bulan,
Abril a panagtudo
Wenno Disiembre a kalam-ekna.
Mangrugi a rumusing
Ti bumukarkar a rosas,
Panagbannawag ti init
Ken panagani ti bulan...
Naragsak nga isem
Sangkatedted a lua,
Kaatiddugan a milia
Kabassitan a tawen.
Maysa a kulibangbang
Billit nga agtayab,
Naragsak nga aldaw
Naliday a rabii...
Kimmapas nga ulep
Asl a langit,
Nalanay nga apros
Arapaap a maragpatmo.
Tapno magun-od ti balligi
Adda kenka ti pammati,
Amin dagitoy a sagut
Naited kas paset ti biag.
[copyright.february2007byrudyram.rumbaoa]
________________________
