ni Rudy Ram. Rumbaoa
pasetkan kaniak
naitukitkan iti kaunggak
inaywanak ti ayatmo
impategko a sidudungngo
intukitko't bukel
tapno aywanam- dumakkel
binay-ak a nagrampaya
tapno agkalatkat, agsabong, agbunga
ita, adtoyen ti bunga-
mangyeg iti baro a namnama
iti kaunggak- pasetka
imaaymot' ayatmo a nadungngo
inaywanam ti bukel nga intukitko
tapno daytoy agsampaga:
itedna ti isip
ti pulso
ti kararua
a mangbukel ti biag.
wen, daytoy ti bungat' ayan-ayat!
[copyright.may.2007.byrudyram.rumbaoa]
______________________________________
