Ni Rudy Ramos Rumbaoa
Saniata a liwliwa daytoy pusok
Sagudayka inar-arapaapko a mutya
Ladawanmo ti napudno ken naemma
Simmangbay ti daytoy a biag
A napnoan lailo ken ragsak...
Saniata a liwliwa daytoy pusok
Sinilnagam inikkam ti namnamana
Nakiro a lubongko impaayam iti lawagna
Pateg ken ayatmo inyawatmo
Sika laeng bagnos dardarepdepko...
Awanen ti sabali pay
Nga innak tinartarigagay
Pateg dayta ayatmo
Isunto ti mannarabay...
Saniata sika laeng ti ay-ayatek
Sikanto laeng ti patpatgen
Iwaksim kadin dayta a panagduaduam
Sulnitam liday ti ragsak
Tapnon ayat di manasanas...
*copyright 2006 by rudyram.rumbaoa
*(orihinal a kinanta ni Rodel Garcia ken karaman iti album a "RIMAT DAGITI BITUEN")
_________________________________________________________________________
