Ay, ay pay, nasugat ti pusok
Ti pana ni kupido, naiduyok;
Sarapaek, agdaran di agressat
Mariknak apges gapu ken ayat.
Naulpit man gasat a nagpasarak
Libbiannak panawen ta innak ikudag,
Dinak ikkan gundaway nga agragsak
Tapno addan kaeddak nga agpatnag.
No kuan makitak kapatadak, umapalak,
Kadakuada ladawanda't ingget ragsak;
No impangakko dagiti nagannak kaniak
Awan koma daytoy a pagdandanagak.
Aysus, 'toy pusok, nasugat,
Gapu ken ni ayat awanen ti mayat;
Babalawek ni kupido innak insarsarak
Awanen mayat uray baket a kursunadak.
Ngem bay-am, Pidro, padasen-isapulak
Agsapulak bareng masarakak ti sungbat;
Ruangan ti langit a pangipeksaak
Kinabaro diak ipalubos a matikaganak.
Ay, ay pay 'toy pusok a nasugat
Dinak paangsen, perme agpugsa-pugsat;
Lakayakon, Nanang, makaramramanak
Luto nga imbaliktad, dayta man ti ayat!
[Copyright.2008.by.rudyram.rumbaoa]
_______________________________
