Nalabes A Sursuro

Ni Rudy Ram. Rumbaoa


Dika agpasindayag
Ta dimo timon ti biag
No kunam a pinilinaka
Nagita unay ta dila.

Uray pay dagiti angheles
Iti Dios, saanda a nalablabes
No kayatmo nga ibutaktak ti pudno
Pagbalinem a nadalus ta puso.

Kasano a pakaammuam
A nabukelka iti gaganakan
Agbabawika ta maiparbeng
Tapno awan sumangbay a buteng.

Agliblibbiang unay nga arapaap
Ladawam ti narasi a kayo a naspak
Mariknamto't bara ti init a makasinit
Iti aramidmo inkanto kumriit.

Ay nalabes unayen a sursuro
Allilawennaka't bukodmo a sao
Dimonto mabaliktad panunot ti tao
Ta arigmo't nabulosan a lobo.

[CR.2008.by.rudyram.rumbaoa]
__________________________