Ni Rudy Ram. Rumbaoa
Narakrak ti masakbayak
Ti masakbayan nga inar-arapaap;
Nalipatanka
Nabatika nga agmaymaysa
A Nangibaklay ti ulpit
Ti gasat
Idi masarakak ti ragsak-
Binukodak,
Pakawanennak.
Ngem mamatiak
Nga adda pay laeng kaimudingak
Iti insaganam a lubongta
Nupay nagbiddutak
Nalpasen a nailiw-anak.
Akuek, uray maminribu nga agsapataak
Dinto makaanay a pamatiannak
No di mapukaw ti lamma
A puon ti nakasugatan ta pusom...
[CO.2008.by.rudyram.rumbaoa]
__________________________
