Ni Rudy Ram. Rumbaoa
kunam
nga inayatnak,
ngem binukodam ni ayat.
nagalistoka ketdi
a simmiasi
idi makabirokka iti sabali;
iti panunotmo
innak inwaksi
ta gayam ubbaw
ken narasi
dayta kari.
winaswasmo
ti galut
ti sapata
ken tulag...
impategka
iti amin-aminko,
ngem inkulbom
'toy natarnaw a tarigagayko.
inayatnak nga agpayso, ngem,
narigat nga agasan
ti nasaktan a puso!
[CR//nov2908// by rudy ram. rumbaoa]
________________________________
