Samiweng. Daniw. Sarita. Salaysay. Damdamag, Kdpy.

Dec 29, 2016

Pananglagip ken Panagyaman

[Nabulod laeng ti ladawan a naaramat]


Ket wen, sakbay nga agngudo daytoy a tawen, lagipek amin a nagpasarak iti daytoy nakiro a lubong no dagitoy man ket nakasaktak wenno adda napasaktan; no dagitoy ket ragsak wenno liday; iti tiempo ti pannubok/nakasuotak wenno nakalasatak; no adda nagkurangak, isu ti punnoak; no nagbalinak a nalupoy, padasek ti agbalin a napigsa; no adda man nagkurangak nga espiritual a banag a maisupadi wenno maisalungasing iti pagayatan ti Dios, dumawat ti pammakawan wenno ania ditan a pakababalawak, dumawatak iti despensa ken pammawakan- ta siak, taoak lang a kas met kadakayo.
Ngem iti kamaudiananna, kangrunaan ti amin, agyamanak iti Dios. Agyamanak Kenkuana iti laksid nga inaramidko amin a kabaelak, dinak binaybay-an. Pudno a managbasolak. Inyismagelko ti pammatik iti dapanko tapno iti sadino man a papanak, adda sadiay ti Dios: adda latta kaniak nga agnanayon ket inton kaano man, silalagipak Kenkuana- iti desdes ti nalikudak a kalman ken ti turongek a masakbayan.
NARAGSAK A PANANGSARABO TI UMAY NGA UBING A TAWEN KADATAYO AMIN!
Rudy Ram. Rumbaoa
29 Disiembre 2016
Wailuku, Maui
www.samiwengkenayatnirudy.blogspot.com

No comments: