sarukod [erotiko a daniw]

[nabulod laeng ti ladawan a naaramat]

sika ti kakaisuna
nga apuy
a mangsegged nasipnget
a kabakirak.
umayka, ipaaymot' lawag
iti agkutkutimermer a rabii
ket ipadalanmo iti pagnaam
ti natibker-
ti saan a mapilko
a kania nga aglanglanga
nga uleg iti uneg ti kuebak.

agdakiwaska iti kasamekak.
aramatem ti sarukodmo;
iwasawasmo iti masangnguanan, 
iti sikigan ken malikudam
tapno mabugaw tubeng 
iti pagserkan.

aguyaska tapno makiki
dagiti ruot a nanglikmut 
a masagidmo,
paruarem ti ubbog 
ti namaga a kinelleng 
a di pay nasibugan-

ket bayat ti ilalaemmo
nga aramat ti sarukod,
riknaem tapno maimdengam
ti kalibnos ti kabakiran
a di pay naas-asak.


sarukod [erotiko a daniw]
rudy ram. rumbaoa
dagiti koleksion a daniw, sarita, kanta ken dadduma pay
www.samiwengkenayatnirudy.blogspot.com