Samiweng. Daniw. Sarita. Salaysay. Damdamag, Kdpy.

Feb 18, 2018

SANGAPULO A BILIN KADAGITI AGAYAN-AYAT, AGAY-AYAT, PAAYAT, MANGAY-AYAT KEN DAGITI AGASAWA


[Nabulod ti ladawan a naaramat]




Umuna. Ipaay [koma] ti sangagasut a porsiento nga ayat.

Maikadua. Taripatuen ti ay-ayaten nga is-isu ken
naisangsangayan a tao.

Maikatlo. Agtalinaed [koma] nga agnanayon ti ayat
babaen ti balikas ken aramid.

Maikapat. Awaten [koma] ti panagbaliw ket sarangten
dagiti pannubok a dumteng, suportaran ti ania man
a sumangbay ken/wenno panagdur-as ti biag
iti bukod a bagi ken panunot, ken ay-ayaten.

Maikalima. Agtalinaedka a napudno iti dayta nga ayat.


Maikanem. Mangibingay: Ti ayat, ti aramid, ken balligi.
Maikapito. Dumngeg. Wen, dumngegka ala.


Maikawalo. Raemen ti nasikap a pannakaammo ti puso
ken denggen ti bileg ti imandar ti panunot a makaawat
kadagiti bambanag iti wagas a nawada ken nadalus.


Maikasiam. Saanka [koma] a parsua a nalaus
nga awanan kinasayaat a karakter ken/wenno
makasiudot nga alisto iti pannakaung-unget.


Maikasangapulo. Buklen [koma] ti nasin-aw nga ayat
a kadua ti rikna ken panagsagaba, ken/wenno panagsakripisio
ti pisikal ken emosional nga ayat.



SANGAPULO A BILIN KADAGITI AGAYAN-AYAT,
AGAY-AYAT, PAAYAT, MANGAY-AYAT KEN DAGITI AGASAWARudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com



No comments: