Kunak Man: Dagiti Puted a Daniw

Bay-ak maiduayya panunot ita--
wen, uray la koma ita a kanito
tapno mabukkaan nangbalud kalmanko.

Ibus-oyko a maililliliak iti umagibas
nga angin tapno mailibay, mairidepak.

Kayatko nga aglayag riknak
a mayadayo iti bagik-- kayatkot' maisina,
aginana, 'tay awan mangsinga;
kayatko nga ipapas panagmaymaysa
tapno dung-awak kinain-inaka a nagbanagan
ket maipintak iti panunotko ti kinapiman a gasat.

[Ngem diak kabaelan---
kasapulak takiagmo a kiredko...
uray apagapaman mariknak saranaymo.]



KUNAK MAN: DAGITI PUTED A DANIW
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com
copyright.o4.2o12/wailuku