[Nabulod ti ladawan a naaramat] |
Mangngegko ti kanta
iti tudo, intangadko
ti rupak ket al-allingagek
ti karasakas ti angin
bayat panagtennag
dagiti tinukel a bayakabak;
adda iparparipiripna
iti panagmaymaysak...
Pudno, kasla agkanta
ti tudo nga agdisso iti rupak,
ngem naliday panagtupakda.
Binay-ak, sinabatko ti duros
ti bayakabak nga aggapu
iti baybay ti Lahaina; binay-ak
a rupesennak ti tudo
ket mangngegkot' panagkarasakas
dagiti dalluyon nga aggiinnuna
a tumakdang a mangbasa dagiti dapanko.
Nalukag ti nakadulin
nga im-impenen ti barukongko.
Binay-ak a nagkansion
ti pusok-- ta "Sika" ti gapuna.
TUDO
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com
No comments:
Post a Comment