Ti Mannurat

[Nabulod ti ladawan a naaramat]


naragpatnat' kalikaguman
nagbbalin a pagulidanan
rangtay a pagdaliasatan
napintas a pagtungpalan,

nasayaat iti kaaduan
insungsongnat' pagsayaatan
saanna ida nga inyaw-awan
inanusanna nga inaywanan.

kas iti panagsuratan
inusarnat' pluma nga ay-ayam
dina inallilaw nakisalisalan
nagpussuak panunot a nainsiriban.

napudno ti mannurat,
inyebkasnat' ramen kapanunotan
inkur-tna iti napintas
balabalat' balikas a kasam-itan
tunggal binatog a masurat
adda pakaadalan,
dina inaramat
a pangperdit' kamannuratan;

nagsurat latta
saan a nauma,
sinindiannat' pabelo
ti sirib a maigaga;
saan a maupay nagbalin
kadakuada nga inspirasion
tapno dagiti sinuratna
saan nga agbanag a dekorasion.



ti mannurat
rudy ram. rumbaoa
dagiti koleksion a daniw, sarita, kanta ken dadduma pay
www.samiwengkenayatnirudy.blogspot.com
oct. 2oo7/iluko.com