Agyamantay'

[Nabulod ti ladawan a naaramat]

Wen, ta ditay' met ngarud umubing no di ket mataengantayo iti tunggal aglabas ti aldaw. Agkuribetbet ti kudil, kumapsut ti susuop, awan pigsa ken terred dagiti tulang, agkapuy ti panagkita ken panagdengngeg.

Ngem ditay' mailibak a kasapulantay' ti maysa a kadua [no daytoy man ket kaayan-ayat, agay-ayat, paay-ayat, kaingungot/asawa, kabsat, gayyem wenno am-ammo] a mangpatalged ti rikna a sika ket adda met laeng iti nasayaat a kundision.

Agyamantay' no addanto pay makapanunot a mangilala, mangiturong ken mangipaay ti kaasi kadatayo...



TI LADDA: AGYAMANTAY'
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com