Samiweng. Daniw. Sarita. Salaysay. Damdamag, Kdpy.

Jan 26, 2019

Ti Ladda...

[Nabulod ti ladawan a naaramat]
uhu! diak met ngarud kayat no awan kuarta. agpayso, narugit ti kuarta ta pagsisinnublatan ngem masapul met daytoy ti tao iti inaldaw a panagbiagna- ti gastosenna, wenno kayatna gatangen tapno agbiag.

ngem no bilang awan ken saan a kasapulan, kasano ngarud ti agbiag no awan kuarta? agbiag wenno makalasattay' pay ngata no awan kuarta? saan ngata a sumadut laeng ti tao nga agtrabaho no awan kuarta? sabagay, mabalin a saan. mabalin met a wen ti sungbatna gapu ta ania komat' gatangem no awan kuarta? no dimo met kasapulan?

awan met ketdi. nasaok laeng ta adda [ngamin] dagitay' gamrud [puera delos buenos] no maipanggep iti kuarta/pirak ti pagsasaritaan. kunak daytoy ta makaisemak man la unay iti maysa a pagteng. inimasna ti kuarta, inimas met ti kuarta. naginnimasda a dua. ti resulta, nadesgrasia! namaysaan ti kuarta iti mangim-imas kenkuana. inimasna amin nga adda kenkuana. maimasan ngarud pay ita ti mangim-imas kenkuana iti inaldaw-aldaw no nalpasen nga inimas ti isapsapulanna gapu iti aramid a mabalinna[n] a pagbabaywan? 

ket mautobna: saan amin a ragsak, dayaw, abilidad ken kinaalibtak nga agtrabaho magatang ti pirak- nangruna ti ayat!

tsk!



kunak man: ti ladda
rudy ram. rumbaoa
[repost from jan.18.2017.maui]

No comments: