Rosas

[nabulod ti ladawan a naaramat]


Diak pay nakakita
iti kasta a kaadu ti dara
a nagsayasay iti sugat
a kas ti karais
daytoy bibig ken pingping;

Tinaripatona ti sabong
nga intedko kenkuana
tapno saanko nga irisgo
ti nakain-inaka a panaas.

Iti panagkasangayna,
natay ti rosas
ket naguray ti rabii
iti milagro 
iti pannakaipasngay ti bigat.

Binaludnak dagitoy lua
ngem adda namnama 
a rimmusing: ti pusok
ikur-itna iti papel
ti kararagsakan a nota
ti kanta a linaonna...



ROSAS
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com
[cr]o2.2o12.Maui