Ti Mannakabalin

[nabulod ti ladawan a naaramat]

Silalamolamo kas ti angin
Ti nabiag a bagi, iti kanito 
A labsan ti uniberso ti limitasion--

Aninaganna ti kararua.

Ket iti aringgawis ti kaadda
Ti aniniwanna nga ipuligos

Ti dara nga agayus iti puso
Dagiti puraw nga anghel,
Mannaniw, profeta, tagabu 
Ken uray pay dagiti tuleng;
Ti lua kas ti bituen a timmangken

Iti panagpusaksak ti apuy
Manipud kayo a saan nga agbunga...


MANNAKABALIN
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com
[Copyright.2.2012.by.Rudy.Ram.Rumbaoa/Maui]