 |
| [Nabulod laeng ti ladawan a naaramat iti daniw] |
Ni Rudy Ram. Rumbaoa
[nasurat.12.07.2006.maui]
Adda latta, Biagko, sumngaw nga iliw
Ditoy pusok tunggal malapgis dagiti bulong
Ti kalendario, sapsapulek latta kadagiti sardam
Ti panagmaymaysak ket awisennak ti duayya
Ti samiweng a pagilasinan ti naiburandis
A batonlagip ti ragsak a nagdanggayan
A pinutar dagiti pusota iti kinaulimek
Ti rabii iti nasipnget nga aglawlaw a sadiay
Bukodta ti lubong a namsek iti diro ni ayat-
Nagimnasen ti buya daydi a sardam,
Lamolamota a nailibay iti appupo ni dunggo...
Ngem mariknak ita a kawaw iti panunotko
Sapsapulek latta dagidi linabag ti lagip
Nga impanaw ti gangannaet nga arapaap.
[C]rudy.ram.rumbaoa.12.2006/nagtawataw a daniw]
No comments:
Post a Comment