"Dumngeg kadagiti makaabbukay a kanta ti iloko a naputar ken nagaun iti kalikagum ti puso. Dagitoy ti naitalimeng iti kaunggan tapno maikkan anges ti sonata ti kalman ken maibinggas iti agdama a mamalukay iti irteng ti rikna. No maminsan, pitingenna ti kaunggan ket lukaisanna ti linabag ti kalman nangruna no mainaig ken ni Ayat. Agbalin met a nota ti tunggal anges ket sika a mismo ti mangtempla ti kuerdas ni Ayat iti kayatmo nga ayug tapno rummuar ti napimpintas a himno ken rima ti biag..."
Samiweng. Daniw. Sarita. Salaysay. Damdamag, Kdpy.
Feb 13, 2016
Kenka
No maysaak nga eskultor,
sika ti kayatko a sukogen.
No maysaak a pintor,
sika ti kayatko nga ipinta.
No maysaak a kumakanta,
sikat' pangiruknuyak ti kanta
nga agaun iti kaunggak.
Ket no maysaak a mangngagas,
kenka agasak ti sugat.
Ket no maysaak a mannanakaw,
kenka nga agsamsam-agbirkogak.
Ket no maysaak a mannaniw,
sikat' kayatko a suraten-
ngem saan a makaanay
dagiti balikas a mangilawlawag
no aniat' kaipapanam kaniak iti biag.
Ket no maysaak a Kristiano,
ti Dios ti rumbeng a pagyamanak
gapu ta ti ayatmo ti sallukob kaniak
kas iti panagpussuak ti danum iti karayan-
ket no maysaak a kalapati,
kenka ti pagtayabak:
maysa nga ayat, agkammayet,
pulos a di pumusay...
KENKA
Ni Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
Subscribe to:
Post Comments (Atom)
No comments:
Post a Comment