Sikanto Latta

[Nabulod ti ladawan a naaramat]


Sika latta daydi sabong
a napusaksak iti pusok
ingget agadiwarat' banglo;
wen, sika latta daydi sika

a biag dagiti arapaap.
Sika ti naputar a daniw
a naitalimeng iti barukong

tapno di mapukaw uray maysa
a balikas a naibinggas
a nagaun iti riknak-

ta uray mamaliwto ti pusaksak
sikanto latta
ti biag,
ti ayat
ken arapaap...


Naadaw iti maysa a paset ti daniwko, Sikanto Latta
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com