Maysaak

[Nabulod ti ladawan a naaramat]


Maysaak a nasion
a nagramut kenka,
saanak a grupo
ti tribu nga agakar-akar;
dinak pay ginab-ut
ti pakasaritaan
ket ni patay, kas man
abalbalay.


Saanak a ruot
a gumil-ayab iti siudad,
maysaak ketdi nga alimbubuyog
dagiti sabong ti amianan.

Ti Dios, ipug-awna 
ti angesna kaniak
ket malasangak
iti minilmilion
a babassit a banag...

Ngem manen,
maysaak nga espiritu
kadagiti murdong
ken rabaw--
ket siak dayta awatem
nga agsubli a maipasngay.



ITA NGA ALDAW
MAYSAAK
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com