"Dumngeg kadagiti makaabbukay a kanta ti iloko a naputar ken nagaun iti kalikagum ti puso.
Dagitoy ti naitalimeng iti kaunggan tapno maikkan anges ti sonata ti kalman ken maibinggas iti agdama a mamalukay iti irteng ti rikna.
No maminsan, pitingenna ti kaunggan ket lukaisanna ti linabag ti kalman nangruna no mainaig ken ni Ayat.
Agbalin met a nota ti tunggal anges ket sika a mismo ti mangtempla ti kuerdas ni Ayat iti kayatmo nga ayug tapno rummuar ti napimpintas a himno ken rima ti biag..."
Makasalibukag iti rikna a buya ti napusaksak a sabong dagiti kalunachi iti panawen ti panagrurusing-- isudat' murmuray ti bigbigat kadatao a nagpuyat. HM, 24 Marso 2019[ladawan ala ti iphone 6 plus]
No comments:
Post a Comment