Kunak Man

Narigat met gayam ti agpammarang a "Superman."
Makabannog. Itedmo amin nga oras, tiempo ken pigsa
tapno matulongan ti sabali. Ipennek nga ipaay ti kaasi.
Makipagrikna. Makita ti kasapulan tapno maipaay ti umno
a tulong nga awan duadua. Nasken ti kaadda ti kaasi a puso.
Mannakaawat a panunot. Ngem diak pagbabaywan amin
dagitoy nga ar-aramidek ta isu ti gannuatko. No bilang diak
mairusok daytoy nga aramid, apay pay laeng nga aramidek
ti diak kayat? Wenno naituding ngata nga aramiden? Ngem
kaniak, naimpapusoan daytoy nga ar-aramidek.
.
Saan ngata a mabannog ni Superman? Aglangan ngata met
a tumulong wenno agserbi kadagiti tattao iti maysa nga aldaw
tapno laeng kadi makainana?
.
Addan kenka ti sungbat, kumpad.
.
.
.
kunak man
rudy ram. rumbaoa
www.samiwengkenayatnirudy.blogspot.com