SIAK DAYTOY.
Wen. Ti sabali a siak.
Ngem siak kadi met laeng ti siak? Wenno ti sabali a siak daytoy?
Pudno, saan a siak daytoy no di ket ti parupa ti sabali a siak. Ta ti siak ita, maymaysa. Sisiak laeng.
Ngem siak ti adda kenkuana ta bulodna ti siak nga imetna. Ti siak ita, adda kenkuana. Ti adda kenkuana, adda kaniak. Ti kinasiasinona, addaak met kenkuana. Ta siak ti siak kenkuana. Ta isu ti siak. Siak ti isu.
Gapu ta siak ti siak, isu ket isu laeng. Maymaysa ti urat a pagpussoakan ti darami. Maymaysa ti ramut a nagtaudanmi. Ngem adukami a sanga iti kayo a naggapuanmi ket isut' gapuna nga agkalangakami dayta kalanglangak a siak, ngem saan a siak. Ketdi, siak daytoy ita. Ngem dayta isu ti sabali a siak.
[Ni Ethan ti adda iti ladawan idi agtawen ti tallo. Anak ti kaanakak nga inaudi nga anak ni Manang.]
.
.
.
.
.
Siak Daytoy
Rudy Ram. Rumbaoa
No comments:
Post a Comment