Compassionate Caring

makipagrikna, makisimpatia
iti sasaaden ti dadduma;
agpussoak manipud puso
ti ayat ken pateg iburaymo-
no dadduma, agbalinka a kalasagda
a mangsaranget umay a didigra
iti porma ti sakit sikat' inna dissoan
ngem, bagim ammom nga aywanan.

saan laeng ti pamilia, am-ammo ken kabagian
ti mabalin a pakayaplikaran ken pakaawatan;
maiburay met iti sabali agburayok a kaasi.

adda kenka ti anus ken pannakaawat
sikat' namnamaenda, sikat' arayat;
trabaho daytoy a naimpapusoan
awan kasukat, saan a magungunaan.

makipagrikna, makisimpatia
iti sagsagabaen ti dadduma;
pannaripato ti dimo kapin-ano
magun-odmot' bendision ti Apo.



compassionate caring
rudy ram. rumbaoa
dagiti koleksion a daniw, sarita, kanta ken dadduma pay
www.samiwengkenayatnirudy.blogspot.com