Panaguray

Awan pagilasinak iti disso a nangitunekan daydi nanglunnuyanta nga ayat ta uray dagiti tugotmo, inakupmo.

Diak masbaalan, diak matuokan nga aguray iti sabali manen a kalgaw a kaparis met la daydi linikudam a nagmanto a kuaresma—

Ngem bay-annak kadi lattan a mabati nga agmaymaysa a mangpasangbay iti yaapros kaniak ti nalamiis a paskua?

.

.

.

.

.

Ita Nga Aldaw:

PANAGURAY

Rudy Ram. Rumbaoa

Sab. 14 Nob. 2o26

Wailuku

samiwengkenayatnirudy.blogspot.com

#itangaaldaw #panaguray #ilokodaniw #pagilasinan #nangitunekan #naglunnuyan #ayat #masbaalan #tuok #kaparis #manto #kuaresma #mangpasangbay #paskua #samiweng #rudyramrumbaoa

KUNAK MAN'

Nasursurokon nga inayat ti uni ti paddak dagiti sakak

nga umadayo kadagiti banag a saan a para kaniak...

.

.

.

.

.

KUNAK MAN'

Rudy Ram. Rumbaoa

samiwengkenayatnirudy.blogspot.com

#itangaaldaw #kunakman #daddumapay #samiweng #ayat #rudyramrumbaoa

[Nabulod ti ladawan a nausar]

Dagiti Puted a Daniw

Ngem apagbiit gayam

kaawanmo, kayatmo

a sublian dagiti tugot

a pinanawam a pagarupem

a mabalin pay nga akupen,

ilatag kadagiti dapan

ket usaren nga agsubli

iti naggapuan; saan,

supringek ti pagayatam--

ti agsubli kaniak, saankan

a maikari iti lubong

a paggargarawak.

.

.

.

.

.

Naadaw iti paset ti daniw

TALLO A DANIW: IPAPANAW, PANAGSUBLI, PANANGSARABO

Rudy Ram. Rumbaoa

samiwengkenayatnirudy.blogspot.com

#ilokodaniw #putedadaniw #talloadaniw #ipapanaw #panagsubli #panangsarabo #samiweng #ayat #rudyramrumbaoa

Dagiti Puted a Daniw

Linikudam ti kalman

sakbay a nagtabon 

ti init, nagpakada

ngem dinak tinaliaw

iti ipapanawmo,

tinurongmo ti desdes

nga agur-uray kenka.

Nabannayat panaglabas

dagiti aldaw kas ti rabii

nga agur-uray sabali a bigat,

inaldaw a taraonkot' saem

gapu't sayasay ti dara

iti sugat a pakalaglagipak...

.

.

.

.

.

Naadaw iti pasaet ti daniw

TALLO A DANIW; IPAPANAW, PANAGSUBLI, PANANGSARABO

Rudy Ram. Rumbaoa

samiwengkenayatnirudy.blogspot.com

#ilokodaniw #putedadaniw #talloadaniw #ipapanaw #panagsubli #panangsarabo #samiweng #ayat #rudyramrumbaoa

Ti La Adda: TRICK OR TREAT

INNAK koma met maki-trick or treat, ngem daytoy met ti nasabatko iti dalan. Iti kigtotko a napalo, nabatik la ngarud ti tsinelasko a nagtartaray gapu't butengko, piman. Hehe!

.

.

.

.

.

Ti La Adda:

TRICK OR TREAT

Rudy Ram. Rumbaoa

samiwengkenayatnirudy.blogspot.com

#itangaaldaw #tilaadda #trickortreat #samiweng #ayat #rudyramrumbaoa

[Nabulod ti ladawan a nausar]

SABALI MANEN A KAPITULO A PANANGRUGI [Nga Agbiahe Iti Nawatiwat A Dalan Ti Biag, Oktubre 3o]

Kalpasan dagiti nagkaadu a karit ken pannubok, dagiti ragsak ken rag-o, dagiti banag ken situasion a nangpasakit iti rikna, dagiti nasam-it ken naliday a pagteng a dimteng iti biag iti naglabas a sangapulo ket dua a bulan, adtoyak, idatagko ti bagik, nakasaganaak manen nga agdaliasat iti sabali pay a rinibu a milia--- tapno sangnguen ti di masinunuo nga itden a karit iti masangnguanan; masakbayan a diak ammo ti pagbanagan no ania ti agur-uray kaniak. Ngem saanakon nga agbiag iti napalabas. SIAK daytoy ita.

Kalpasan iti pakasaritaan ti kalman, naited manen kaniak ti baro nga aldaw. Ita, agyamanak unay iti Dios nga Apok gapu ti daytoy kapapatgan a sagutna kaniak--- ti biag. Ti sabali manen a kapitulo a panangrugi nga agbiahe nga agturong iti nawatiwat a dalan ti biag...

Agyamanak kadakayo a nagkablaaw, mangkablaaw pay kaniak ken nakalagip iti aldaw a panagtaok ita, Oktubre 3o. Ni Apo Dios ti mangbedision kadakayo amin, Kakabsat!

.

.

.

.

.

Ita Nga Aldaw:

SABALI MANEN A KAPITULO A PANANGRUGI

[Nga Agbiahe Iti Nawatiwat A Dalan Ti Biag, Oktubre 3o]

Rudy Ram. Rumbaoa

samiwengkenayatnirudy.blogspot.com

#panagyaman #biag #sagut #Dios #panangrugi #kapitulo #nawatiwat #dalan #gagayyem #pamilia #amammo #nakalagip #aldaw #panagtao #panagkasangay #panagkanaganan #samiweng #ayat #daddumapay #rudyramrumbaoa

SINO TI MANGRIING KEN NI PATAY ITA?

Sino ti mangriing ken ni patay ita? Ti saan nga agressat
a pannakaibukbok danum-baybay iti labes ti tunggal
nasipnget a suli ti lubong, ti pannakaitagbat ti nasilap
nga espada, ti manglaylayen a mula ken awis kenka
sadiay ti rono dagiti bulong, ti gumilgil-ayab nga apuy
ken isu amin a langa ti kinadakes? Ti garangugong
ti angin, makatikaw panagtaul ti aso iti sanguanan 
ket mapagbiddutan nga anghel a magmagna iti kalsada.

Nasarakak daytoy sabong ti rosas iti dalan ket kunak:
"Iti uneg ti sirkulo ti lawag a pagorasan ti siitan a Dios,
itedko kenka, ilatagkot' bagik iti naraber a karuotan--
agdeppaak, agal-alak a mabuteng, napaspas panagbitek 
ti pusok ngem agparintumengak iti sakaanam 
tapno dawatek a bay-annak nga agmaymaysa; diak kayat
a masingaka iti kasta unay gaput' pannakaparigatko".

Ngem sino ti mangriing ken ni patay ita? Ininumko
ti nangisit a dara iti kopa, nakitak a nagraniag ti bulan
nga awan nakadlaw; nalabit, saanak a pimmusay 
ngem nagtubo ti nakaberberde a mula ti bain-bain
iti aglawlaw, nakitak dagiti siitan a kayo ken itutupuar 
ti agsilud nga insekto a nagrugian ti maysa nga abut 
nga awan pakausaranna, rimmubrob ti apuy iti naspak 
a kayo ket madarang ti kasta unay dagiti magna 
iti dayta a dalan; agikkis ken agsangitda iti napalalo,
nagpusaksak ti rupa ti maay-ayatan a demonio--
naggudua ti nakuridemdem a lawag ti init.

.

.

.

.

.

SINO TI MANGRIING KEN NI PATAY ITA?
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
samiwengkenayatnirudy.blogspot.com
[CR/RRR.o7.2o12.Maui]

#itangaaldaw #ilokodaniw #mangriing #patay #samiweng #ayat #rudyramrumbaoa

[Nabulod ti ladawan a nausar]

AGPULLIKAWKA [A Kas iti Teggak]

Ammok a nalipatamon ti naglabas

Ngem dimo koman lagipen pay

Saankan nga agsurat kaniak

Kas iti inaramidmo idi nga aguray

Rebbaem man amin a rangtay

Ken dagiti kalsada a pagdaliasatak

Ngem ti maysa a nadarat a dalan

Ibatim kaniak, idawatko; ilalaak.

Ket iti labes dagiti nalawa a taaw

Atiddog ken adayo ti pagkamangan

Ti kayo ti aruo innak ipakpakaasi

Bay-am, agpallayog iti aldaw ken rabii

Agpukaw man amin a kataltalonan

Marabnos kinabirhen ti kabakiran

Ngem dayta bassit a kayo ti aruo

Palubosam a dumakkel iti langit tumukno

Kadagiti amin nga innak ilalaen

Uray kunam a mabalin a tagikuaen

Ti rangrang ti init ken lawag ti bulan

Agkudrep, lamuten sipnget iti masakbayan

Agpullikawka a kas iti teggak

Ket panawannak iti nakana a liday

Ngem ti ayat, ti kakaisuna nga ayat;

Dawatek, ipalubos a mabati kaniak...

.

.

.

.

.

AGPULLIKAWKA [A Kas iti Teggak]

Rudy Ram. Rumbaoa

samiwengkenayatnirudy.blogspot.com

#itangaaldaw #ilokodaniw #agpullikaw #teggak #samiweng #ayat #rudyramrumbaoa

[Nabulod ti ladawan a nausar]

Kunak Man

Nabiit nga aglabas ti panawen ta awan payen tiempo

a paragsaken ti puso dagiti makipagbiahe kadatayo iti sipnget...

.

.

.

.

.

KUNAK MAN

Rudy Ram. Rumbaoa

samiwengkenayatnirudy.blogspot.com

#kunakman #daddumapay #panawen #puso #makipagbiahe #sipnget #samiweng #ayat #rudyramrumbaoa

Ita Nga Aldaw

Ti naimbag a panagbiag ket mainspiraran

iti ayat ken tarabayen ti sirib...

.

.

.

.

.

ITA NGA ALDAW

Rudy Ram. Rumbaoa

samiwengkenayatnirudy.blogspot.com

#itangaaldaw #daddumapay #pagsasao #samiweng #ayat #sirib #rudyramrumbaoa

Ti La Adda, N.131 SUKOG TAO ITI ULEP

Anat’ makitam iti daytoy a ladawan, Kompad? No mapatangam, ammomon nga asidegen ti Halloween, ne…

.

.

.

.

.

Ti La Adda, N.131

SUKOG TAO ITI ULEP

Rudy Ram. Rumbaoa

samiwengkenayatnirudy.blogspot.com

#tilaadda #sukogtao #ulep #halloween #samiweng #ayat #rudyramrumbaoa

[Nabulod ti ladawan a nausar ken ni Melody Stork]

Dagiti Puted a Daniw

Ania ti maganab a gunguna

ti yuumay ken ipapanko?

Sadino iti 'yan ti panait ti pakuros

iti pagabel ti lagisi ti pagbiagko?

Iti sirkulo ti espera ti biag

adu dagiti naimbag a tao--

mapuoran ken agbalin a tapok,

ngem sadino iti 'yan ti asuk?

.

.

.

.

.

Naadaw iti maysa a paset ti daniw

"DALAN'

Rudy Ram. Rumbaoa

samiwengkenayatnirudy.blogspot.com

#ilokodaniw #putedadaniw #dalan #itangaaldaw #samiweng #ayat #rudyramrumbaoa

[Nabulod ti ladawan a nausar]

Naragsak a Panagkasangaymo Ita Nga Aldaw, SOFIA MONIQUE

Bang-ar ti riknak

Rangrang iti rupak

Rag-o ti biag

Bugas-grasia a naawat

Kappia iti panunot

Ray-aw iti panaggaraw

Gapu ta sikat' kakaisuna

Nga anakko, anak ni Ina[m]

Ita nga aldaw ti rekuerdo

Ing-ingungotenmi iti agnanayon

Kuerdas-himno

Nangyeg melodia a kanta

Naindaklan a panagrambak

Nayanak ti parupa ti rupak

Leddaang a nagari nagngudo

Inur-uray a ragsak, naitao!

Uray di mabigbig

Nagtaudam, nabendisionanka

Iti pamilia a mangilala---

Awan maited napateg a banag no

Di ti ayat ken dungngo.

Naganus man panunot inawatmo

Ditay' agnaed mansion gapu't kinanumo

Wenno pimmalasio a pagtaengan,

Ngem sikat' kadaklan

A gameng iti barukong a ragsak!

.

.

.

.

.

Naragsak a Panagkasangaymo Ita Nga Aldaw,

SOFIA MONIQUE

Sab. 24 Okt. 2o26

Rudy Ram. Rumbaoa

Wai, Maui

samiwengkenayatnirudy.blogspot.com

#kablaaw #kasangay #panagkasangay #itangaaldaw #lagip

#aldaw #panagtao #wailuku #maui #sofiamoniquerumbaoa 

#rudyramrumbaoa #naragsak #oktubre24 #kaaldawanitipanagtao

 

Ita Nga Aldaw

Naimbag a Bigatmo, IMNAS!

Umayka ta agkapeta...

Ita Nga Aldaw

Bier. 23 Okt. 2o26

Wai, Maui

samiwengkenayatnirudy.blogspot.com

#itangaaldaw #kablaaw #panagyaman #sabalingaaldaw #imnas #samiweng #ayat #rudyramrumbaoa

[Nabulod ti ladawan a nausar]

Naidumduma a Palma

MAKITA ken masarakan daytoy naidumduma ti klasena a palma, Huacrapona Palm iti North ken South America.

.

.

.

.

.

Ti La Adda, No.125

HUACRAPONA PALM

Rudy Ram. Rumbaoa

samiwengkenayatnirudy.blogspot.com

#huacraponapalm #palma #naidumduma #impormatibo #mula #samiweng #ayat #rudyramrumbaoa

[Nabulod dagiti ladawan a nausar]

Ita Nga Aldaw

Pinadasko nga ilemmeng

ti mariknak, ngem nalipatak

nga agsao met dagiti matak...

.

.

.

.

.

ITA NGA ALDAW

Rudy Ram. Rumbaoa

samiwengkenayatnirudy.blogspot.com

#ilokodaniw #itangaaldaw #sao #mata #samiweng #ayat #rudyramrumbaoa

Kunak Man

NAWAYA ti asinoman a mangrusar iti balikas ngem nabalor ken di magatadan ti sukatna no barengbareng ken saan nga umno ti pakausaranna.

Awan makasagiti iti balikas, ngem sagiden ken tignayenna ti puso, rikna ken panunot iti siasinoman...

.

.

.

.

KUNAK MAN

Rudy Ram. Rumbaoa

samiwengkenayatnirudy.blogspot.com

#kunakman #itangaaldaw #daddumapay #balikas #samiweng #ayat #rudyramrumbaoa

Ita Nga Aldaw

Lipatemon ti kalman

ta nabayagen a linipatnaka.

Dimo pagbannogan ti masakbayan

ta dika pay naam-ammo ken nakita.

Imbes, luktam dagiti matam

ket ipalubosmo a lumaem

iti puso ti napateg a sagut: ITA.

.

.

.

.

.

ITA NGA ALDAW

Rudy Ram. Rumbaoa

samiwengkenayatnirudy.blogspot.com

#ilokodaniw #itangaaldaw #sagut #samiweng #ayat #rudyramrumbaoa