Puted a Daniw

INTURONGNAK kadagiti bantay

ken dagiti nakaun-uneg a teppang

ti napintas a buya ti panagtennag

ti danum iti dissuor nga agturong

iti sentro ti lubong, Ken wen,

nagalinggagetak gapu't butengko

dagitoy a teppang a pumada iti amin

a misterio---pagsiddaawan, ngem

nakaay-ayat ti kinadatdatlagda.

Ket ti kasumbangir a teppang

ti nalawa a bariwangwang,

naunnatda a kas iti lubid ti arpa

a maipalladaw iti bantay a kaarngi

ti rangtay a pagdaliasatan a maisilpo

iti agpada a sikigan dagiti teppang;

gapuna a nairut ti galut ti nabara

nga arakup ti panagpagayan kalpasan

a natupakan no mano a tawen ti nalawa

a giwang tapno maikkan gundaway

nga agsarakta ti daytoy nga aldaw

iti asideg ti karayan, iti asideg ti atep

ti lubong tapno 'yawatmo dagita ima

ket kunam: "Umayka, isurok kenka ti agsala."

.

.

.

.

.

Naadaw iti paset ti daniw "Nakakaskasdaaw"

Rudy Ram. Rumbaoa

samiwengkenayatnirudy.blogspot.com

#itangaaldaw #ilokodaniw #putedadaniw #nakakaskasdaaw #inturong #bantay #teppang #dissuor #danum #agturong #nagalinggaget #mistero #datdatlag #kasumbangir #bariwangwang #lubidtiarpa #pagdaliasatan #sikigan #nairut #galut #panagpagayam #giwang #gundaway #ateptilubong #isuro #agsala #samiweng #ayat #rudyramrumbaoa

[Nabulod ti ladawan a nausar]

Nakakaskasdaaw, No. o3

mapasamak daytoy tunggal tawen iti panawen ti panagrururos no mangrugin nga agrupsa dagiti naregreg a bulong iti danum. agiparuk-at dagitoy nga agrupsa a bulong iti tannic acid ket no malawagan ti init, agparang ti naidumduma a maris a kaarngi ti bullalayaw [rainbow effect] iti danum...

.

.

.

.

.

nakakaskasdaaw, no. o3

psychedelic swamp, florida, u.s.a.

rudy ram. rumbaoa

samiwengkenayatnirudy.blogspot.com

[nabulod ti ladawan a nausar]

Nakakaskasdaaw, No. o2

 

ana daytoy kunam, kompad? ammuen pay daytoy, ne…

masarakan daytoy a mula iti pagilian nga ecuador, central america, iti lugar ti socratea exorrhiza, a maawagan ti “magmagna a kayo.” ti nakakaskasdaw ditoy, kabaelananna ti magna babaen kadagiti arigna agtatapaw a ramutna nga usarenna a kas “luppo” a tumulong nga aggunay nga agsapul iti lawag. iti panagrugnay ti daga, agtaud ti baro a ramut nga agsapul iti pagkaptanna a nataba a daga a mangisimple wenno mangpalaka ti panaggunayna manipud 2-3 centrimetro tunggal aldaw, wenno 2o metro iti tunggal tawen.

nupay nagdedebatianen dagiti agsuksukisok ken sientista daytoy a banag, mayarngi ti datdatlag a pasamak kadagiti dadduma a mula a kas ti creeping devil cactus a magna nga agsapul iti nadarat nga aglawlaw.

.

.

.

.

.

nakakaskasdaaw, no. o2

rudy ram. rumbaoa

samiwengkenayatnirudy.blogspot.com

[nabulod ti ladawan a nausar]

Nakakaskasdaaw, No. o1

ana daytoy kunam, kompad? ammuen pay daytoy, ne.

nakimat daytoy a kayo ket nakulapsitan ti kudilna, rimmuar ti vascular system-na [pagkakamangan-pagsisilpoan a pagnaan ti danum iti bagi, dara wenno tubbog kas ti maysa a mula].

kumplikado ngem nakakaskasdaaw unay ti nakaparsuaan.

awit daytoy sistema ti baskular ti danum ken mineral nga aggapu iti ramut nga agturong kadagiti sanga ken bulong nga ipotosintesisna [ti ramen ti kemikal babaen iti tulong ti enerhia, nangruna ti lawag ti init] nga agbalin a taraon a maiwaras iti baba ken dadduma pay a paset ti kayo.

ti nakaay-ayat ditoy, awan ti lasag [wenno sistema ti nerbio], amin daytoy a panaggaraw ket aramid ti presion ti turgor a tengngel ti stomata nga aglukat ken agkeppet a bulong.

.

.

.

.

.

nakakaskasdaaw, no. o1

rudy ram. rumbaoa

samiwengkenayatnirudy.blogspot.com

[nabulod ti ladawan a nausar]