Dagiti Puted a Daniw

12.

Ti biag isut' di agressat a sagut

ti nakaparsuaan kadatayo...

.

.

.

.

.

Naadaw iti paset ti daniw

22 A DANIW [Ti Biag]

Rudy Ram. Rumbaoa

samiwengkenayatnirudy.blogspot.com

#ilokodaniw #putedadaniw #22adaniwtibiag #biag #sagut #diagressat #nakaparsuaan #samiweng #ayat #rudyramrumbaoa

 

PUTED A DANIW

Tallo dagiti disintonado nga uni a nasurat iti nalidem a panid

Ket ti ayug saan a para ti tao a naitangkal iti musika

Nga iti ladawan a mangipakpakita ti maysa a konsepto

Ken nakamboran ti balikas a mamagkintayeg ken mangsugat

Maralabus nga agkuti ti itsura ti panuli iti labes ti saan

A maimaldit a balikas. Iti dua a tagtagaimpek, masapul

A mayebkasko ti kaririknak iti bagiw, iti agtartaray nga agus

Layanglayang ti panagkompas ti kanta

Ket agbaliw ti nota iti kasipngetan

Ngem ita ta natagikuak ti timekmo babaen ti pusok, denggek.

.

.

.

.

.

Naadaw iti paset ti daniw:

ITA TA NATAGIKUAK

Rudy Ram. Rumbaoa

Bannawag o9.o9.2o13

samiwengkenayatnirudy.blogspot.com

#ilokodaniw #putedadaniw #itatanatagikuak #bannawag #samiweng #ayat #rudyramrumbaoa

[Nabulod ti ladawan a nausar]

Ita Nga Aldaw Dagiti Amma

ANASAASKA iti aglawlawko ita

A kas ti angin a diak makita,

Wenno pul-oy nga umagibas--

Iti lagipko, nabatad pay laeng

Daydi kari a saannak a baybay-an

Nga agmaymaysa; ngem kasano

Ngarud pay a maaprosak 'ta rupa,

Ken mariknam bara 'toy agek

No nalamiisen ti pingping?

.

.

.

.

.

ITA NGA ALDAW DAGITI AMMA

Rudy Ram. Rumbaoa

samiwengkenayatnirudy.blogspot.com

#itangaaldaw #aldawdagitiamma #ilokodaniw #putedadaniw #samiweng #ayat #rudyramrumbaoa

Puted a Daniw

AGGUNAYAK kadagiti kurba a pagnaan ti dara

Italmegko dagiti nagsarimaddeng a lalaem tapno

Mangngegda ti musika, rummuar ti tubbog ti bagi

Ket serkenna amin a bassit a lussok iti siudad, mangparnuay

Ti simple nga ayug a mangtiliw iti atension ti lapayag.

Agbaniagaak kadagiti lugar a diak pay napanan

Sadiay, awan ti nalawag a pagilasinan

Ket amin a balonko imetna ti nagkaadu a saludsod;

Ngem mabigbig ti pagdaliasatan babaen iti pagilasinan

Ti maysa nga ayamuom wenno maysa a bangbanglo,

Kas iti kudil ti ay-ayaten; mabigbig ti maris ti mata---

Ngem dinto pulos mabalingling wenno mapusipos...

.

.

.

.

.

Naadaw iti paset ti daniw "Panagbaniaga"

Rudy Ram. Rumbaoa

samiwengkenayatnirudy.blogspot.com

#itangaaldaw #ilokodaniw #putedadaniw #panagbaniaga #aggunay #kurba #pagnaan #agsarimaddeng #lalaem #musika #tubbogtibagi #lussokitisiudad #ayug #mangtiliw #atension #saludsod #mabigbig #pagdaliasatan #pagilasinan #ayamuom #kudiltiayayaten #maristimata #mabalingling #mapusipos #samiweng #ayat #rudyramrumbaoa

[Nabulod ti ladawan a nausar]

Puted a Daniw

INTURONGNAK kadagiti bantay

ken dagiti nakaun-uneg a teppang

ti napintas a buya ti panagtennag

ti danum iti dissuor nga agturong

iti sentro ti lubong, Ken wen,

nagalinggagetak gapu't butengko

dagitoy a teppang a pumada iti amin

a misterio---pagsiddaawan, ngem

nakaay-ayat ti kinadatdatlagda.

Ket ti kasumbangir a teppang

ti nalawa a bariwangwang,

naunnatda a kas iti lubid ti arpa

a maipalladaw iti bantay a kaarngi

ti rangtay a pagdaliasatan a maisilpo

iti agpada a sikigan dagiti teppang;

gapuna a nairut ti galut ti nabara

nga arakup ti panagpagayan kalpasan

a natupakan no mano a tawen ti nalawa

a giwang tapno maikkan gundaway

nga agsarakta ti daytoy nga aldaw

iti asideg ti karayan, iti asideg ti atep

ti lubong tapno 'yawatmo dagita ima

ket kunam: "Umayka, isurok kenka ti agsala."

.

.

.

.

.

Naadaw iti paset ti daniw "Nakakaskasdaaw"

Rudy Ram. Rumbaoa

samiwengkenayatnirudy.blogspot.com

#itangaaldaw #ilokodaniw #putedadaniw #nakakaskasdaaw #inturong #bantay #teppang #dissuor #danum #agturong #nagalinggaget #mistero #datdatlag #kasumbangir #bariwangwang #lubidtiarpa #pagdaliasatan #sikigan #nairut #galut #panagpagayam #giwang #gundaway #ateptilubong #isuro #agsala #samiweng #ayat #rudyramrumbaoa

[Nabulod ti ladawan a nausar]

Puted a Daniw

Maikupin man pakasaritaan, adda inna

ibagasan. Aglayag latta iti ere a kas angin

a mayaw-awan ti bosesmo a kinupkupikopam,

agtaeng iti panunot, maysa a lagip

Ngem ti pannakatuknom iti langit, adda met rabii 

a di masirayan dagiti narimat a bituen, gapu kadi ta nabatida 

kadagiti tanap, ili ken siudad ket mapnekka lattan 

a mangtangtangad ti nasipnget a law-ang?

.

.

.

.

.

Puted a Daniw

Rudy Ram. Rumbaoa

samiwengkenayatnirudy.blogspot.com

#putedadaniw #ilokodaniw #dagitiputedadaniw #maikupin #pakasaritaan #aglayag #ere #kinupkupikopam #agtaeng #pannakatukno #dimasirayan #narimat #mapnek #nasipnget #lawang #samiweng #ayat #rudyramrumbaoa

TI KAADDA ITI LUBONG

Linuktan ni ayat ti barukongko ket

nagsubli ti panunotko, ngem ti

pakaigapuan ti panaganus; pimmanaw.

Ti kaasi ti nagbati ngem di nangted

iti dir-i no di ket anil-il ken di

normal a temperatura ti bagi.

Nakitak ken in-inut a nagbalinka

a kawaw. Daytoy a kinaawan-anag,

napimpintas nga amang ti kinaadda,

rebbaenna ti pannakaadda; nupay kasta,

no umay, dumakkel ken sumayaat

ti kaadda a mangpartuat iti ad-adu pay

a kinaadda--- ti kaadda iti lubong!

.

.

.

.

.

TI KAADDA ITI LUBONG

Rudy Ram. Rumbaoa

samiwengkenayatnirudy.blogspot.com

#ilokodaniw #kaaddaitilubong #linuktan #ayat #panunot #anus #pimmanaw #kaasi #diri #anilil #nakitak #nagbalin #kawaw #kinaawan #anag #rebbaen #mangpartuat #kinaadda #samiweng #rudyramrumbaoa

[Nabulod ti ladawan a nausar]

Ita Nga Aldaw

 

No koma laeng maiggaman

ti pusok iti kaipapanan ti biag,

iti ipupusayko maammuak

ti misterio ti Dios...

.

.

.

.

.

Ita Nga Aldaw

Rudy Ram. Rumbaoa

Sab. 1o Ene. 2o26

Wai, Maui

samiwengkenayatnirudy.blogspot.com

#itangaaldaw #ilokodaniw #putedadaniw #maiggaman #pusok #kaipapanan #biag #ipupusay #maammuan #misterio #dios #samiweng #ayat #rudyram.rumbaoa