Rekuerdo

SABALI pay a taldiap---

a naikupinen iti panid ti libro ti pakasaritaan ti biag ken ayat. Ngem padasen manen a lukiben. Padalanan a lagipen, imutektekan ti linabagna nupay adun a panawen-lam-ek, kuaresma, kalgaw, bagyo, arbis ken bisibis ti tudo a naibuyat ti tangatang iti panawen ken tiempo a naglabas---nabiagda laeng iti panunot, agpitpitikda iti puso ken agay-ayusda a kas danum-ubbog a di pulos maatianan dagitoy a lagip.

Idi daytoy a ladawan. Idi balasang ken baro. Idi agarem ti baro iti balasang, tallopulo ket tallo a tawenen ti napalabas.

Ah, batonlagip latta iti rekuerdo ti kalman...

.

.

.

.

.

REKUERDO

Rudy Ram. Rumbaoa

samiwengkenayatnirudy.blogspot.com

#rekuerdo #daddumapay #lagip #taldiap #pakasaritaan #biag #ayat #lukiben #imutektekan #linabag #barokenbalasang #samiweng #rudyramrumbaoa #monicarumbaoa

[Nailitak ti ladawan iti balay ti balasang kalpasan ti maysa a party. Karaman a naala iti ladawan ti Dios-ti aluadna a kaanakak, Gilbert Rumbaoa]

Ladawan ken Rekuerdo

Ti pinanawam a lugar

a nakaipasngayan ti ayat...

.

.

.

.

.

Ladawan ken Rekuerdo

Rudy Ram. Rumbaoa

samiwengkenayatnirudy.blogspot.com

#itangaaldaw #ilokodaniw #ladawan #rekuerdo #lugar #nakaipasngayan #samiweng #ayat #rudyramrumbaoa 

[Nabulod ti ladawan a nausar]

Rekuerdo

"Getting older is not a hindrance of having a strong relationship. The more you face challenges, the more you become stronger- the more you establish yourself, the more you know each other and better relationship to your sorroundings" a kuna ti pagsasao.

Ket wen, duapulo ket uppat a tawenen ti napalabas, tumibtibker latta ti naimula a pondasion ti ayan-ayat kalpasan a nagmaymaysa ken nagkantip dagiti puso. Nagbalin a maymaysa ti dua idi naipasngay ti nadarisay a panagkinnaawatan, uppat a pulo ket dua a tawenen ti napalabas.

Saan a tubeng ti marikna, ti marikrikna, ti naiparikna. Nagbalin ketdi a komunikasion daytoy tapno maidanon ti tarigagay a mangpiting ti kalikaguman ken im-impenen. Nagbalin a rangtay a mamagkamang iti agsumbangir a disso tapno al-alisto a maragpat dagiti nabukel nga arapaap. Nupay adda dagiti agpanggep a mangbukkual ti naimula a muhon ti relasion, dida nagballigi. Ad-adda laeng a pinairotda ti tali ti nagkinnarian, ad-adda laeng a nagsampaga dagiti sabong nga ita agadiwara ti banglona iti napagkaysa a hardin ni ayat. Nagbunga.

Ti ayat, saan laeng a balikas. Marikna ketdi. Riknaen. Ikanta. Imutektekan ti pudno a linabag ken anag ti uppat a letra...

.

.

.

.

.

Rekuerdo:

HULIO 14, 2oo1

Parokia ni San Jose

Siudad ti Laoag

samiwengkenayatnirudy.blogspot.com

 

Rekuerdo: Tawen 1983 ken Aldaw ti Hulio 14

UPPAT A PULO KET DUA a tawen gayamen sipud 1983

ken dua pulo ket uppat a tawenen ti naglabas idi naglantip 

dagiti puso no Hulio 14. 

Hmm...Nagalistot' tawen, bulan ken aldaw a naikupin, aya? 

Ah, pananglagip ti aldaw ngem saan a nagnasanas ti kalman. 

Maysa ketdi a rekuerdo a naipempen iti baul ti pakasaritaan!

.

.

.

.

.

REKUERDO

Rudy Ram. Rumbaoa

Tawen 1983 ken Aldaw ti Hulio 14

Parokia ni San Jose

Siudad ti Laoag

samiwengkenayatnirudy.blogspot.com

Rekuerdo

no diak mariro, sangapulo ket maysa a tawenen ti napalabas idi naala daytoy ladawanmi iti balasitangko, ni sofia monique.

napanko itulnog idi iti eskuela a pagbasaanna. lima nga aldaw a kasta iti kada lawas. ngem itan ta bumalasangen, saannakon a kasapulan. saankon a pik-apen ken itulnog iti eskuela ta ammonan ti agmaneho. agmaneho nga agmaymaysa ta addan lisensiana.

maikawaak ketdi. mailiwak met a mangitulnog ta naragsak ti panagpatpatangmi bayat nga un-unorenmi dagiti dalan nga agturong iti eskuela a pagbasaanna. ngem dayta ket idi, sabali itan.

nagalisto a naglabas dagiti aldaw. piman.

.

.

.

.

.

rekuerdo

rudy ram. rumbaoa

samiwengkenayatnirudy.blogspot.com

Rekuerdo

sabali pay a taldiap---

a naikupinen iti panid ti libro ti pakasaritaan ti biag ken ayat. ngem padasen manen a lukiben. padalanan a lagipen, imutektekan ti linabagna nupay adun a panawen-lam-ek, kuaresma, kalgaw, bagyo, arbis ken bisibis a naibuyat ti tangatang iti panawen ken tiempo a naglabas-- nabiagda laeng iti panunot, agpitpitikda iti puso ken agay-ayusda a kas danum-ubbog a di pulos maatianan dagitoy a lagip.

idi daytoy a ladawan. idi balasang ken baro. idi agarem ti baro iti balasang, treinta uno a tawenen ti napalabas.

ah, batonlagip latta. rekuerdo...

ti kalman.

.

.

.

.

.

rekuerdo

rudy ram. rumbaoa

samiwengkenayatnirudy.blogspot.com

Rekuerdo: Hulio 14, 2oo1

"Getting older is not a hindrance of having a strong relationship. The more you face challenges, the more you become stronger- the more you establish yourself, the more you know each other and better relationship to your sorroundings" a kuna ti pagsasao.

Ket wen, duapulo ket dua a tawenen ti napalabas, tumibtibker latta ti naimula a pondasion ti ayan-ayat kalpasan a nagmaymaysa/nagkaykaysa ti dua. Nagbalin a maymaysa ti dua idi naipasngay ti nadarisay a panagkinnaawatan, uppat a pulo a tawenen ti napalabas.

Saan a tubeng ti marikna, ti marikrikna, ti naiparikna. Nagbalin ketdi a komunikasion daytoy tapno maidanon ti tarigagay a mangpiting ti kalikaguman ken im-impenen. Nagbalin a rangtay a mamagkamang iti agsumbangir a disso tapno al-alisto a maragpat dagiti nabukel nga arapaap. Nupay adda dagiti agpanggep a mangbukkual ti naimula a muhon ti relasion, dida nagballigi. Ad-adda laeng a pinairotda ti tali ti nagkinnarian, ad-adda laeng a nagsampaga dagiti sabong nga ita agadiwara ti banglona iti napagkaysa a hardin ni ayat. Nagbunga.

Ti ayat, saan laeng a balikas. Marikna ketdi. Riknaen. Ikanta. Imutektekan ti pudno a linabag ken anag ti uppet a letra...

.

.

.

.

.

Rekuerdo:

HULIO 14, 2oo1

Rudy Ram. Rumbaoa

Parokia ni San Jose

Siudad ti Laoag

samiwengkenayatnirudy.blogspot.com

Taldiap: Panaglantip, Maysa a Rekuerdo [Kada Bryan ken Krizia]

Taldiap:
Panaglantip, Maysa a Rekuerdo [Kada Bryan ken Krizia]
.
Biag, agyaman.
Panagbaniaga, idadanon.
Panagmaymaysa, bunga.
Saan ketdi nga abalbalay, aywanan.
'Yegnat' pannakasuot, sangnguen dagiti karit.
Ramen, bigbigen ti balabala.
Sakripisio, daton.
Biag, ayat. Agrag-o, taripatuen!
.
.
Bier. 26 Hunio 2o15
Iti Fernwood Gardens, Siudad ti Quezon, Filipinas.

Panangtaldiap ti Napalabas, Rekuerdo/Isla ti Paraiso, Maysa nga Arapaap

Hawai'i A Filipino Dream/Rekuerdo/Memento