DAGITI NALAPSAT A BABBAI [A Mayarig iti Sabong ti Rosas]

GAPU iti aramid a di magatadan,

Inawitna ti maladaga iti saklolo

iti siam a bulan, tinaraonan ken inpaayna

Ti kaasi, sakripisio iti amin a panagbiagna;

Rambakantayo dagiti babbai

A naindaklan panagpuspusona---

Addaanda iti ekstraordinario

A kababalin ken aspeto

A naisupadi kadagiti sabali

A parsua, inted ti Dios kadakuada

Ti maysa nga akem ken panangtagikua

Ti maysa a balitok a bukodda

A kinabaknang, bendision ken pakabigbigan

Dagitoy dagiti nalapsat a babbai

A mayarig iti sabong ti rosas a mangted

Iti pintas ti apros ti lawag, agayamuom

Ti banglo kas iti panangdennes

Ti pakakontentuan ti maysa a pussuak

No sadino adda tiempo nga agkatawa

Ken mangisuro kadatayo nga agayat

Tapno agbiag iti kinapusaksak ti biag

Babaen kadagiti nasagraduan a sursuro

Tengngel dagiti a babbai ti nangato

A debosion, ti nabara nga arakup

Ti dungngo, pateg ken ayat nga isuda

Laeng ti makaammo ti pagnguddoanna.

NARAGSAK A PANNAKARAMBAK TI ALDAWYO NGA INNA!

.

.

.

.

.

DAGITI NALAPSAT A BABBAI

[A Mayarig iti Sabong ti Rosas]

Rudy Ram. Rumbaoa

samiwengkenayatnirudy.blogspot.com

#itangaaldaw #ilokodaniw #aldawdagitiinna #rambak #nalapsat #babbai #sabong #rosas #dimagatadan #kaasi #sakripisio #panagpuspuso #ekstraordinario #kababalin #aspeto #naisupadi #dios #balitok #kinabaknang #bendision #pakabigbigan #akem #panangdennes #kontento #pussuak #mangisuro #agayat #pusaksak #nasagraduan #sursuro #debosion #dungo #pateg #pagnguddoan #samiweng #rudyramrumbaoa

[Nabulod ti ladawan a nausar]