 |
| [Nabulod ti ladawan a naaramat] |
tapno makitak naglemmeng a lua.
Tulungannak a mangliwliwa
dagiti mariribukan ken agsagsagaba.
Itedmo ti lapayag
tapno mangegko ti kararag
dagiti agtalek- kaniak agsadag.
Itedmo kaniak ti pigsa
iserbiak dagiti nalupoy ngem siak,
Itedmo ti tured
tapno aglunit sugat ti napalabas.
Kadagita takiagmo
mariknak an-anay nga inana.
Ipaayannak iti kinasirib
a mangbalikas ti kinapudno
tapno masungbatan dagiti saludsod.
Itedmo ti parabur
awan mangted no di laeng Sika.
Itedmo ti namnama
tapno pannubok malasatak ida
babaen ti ragsak ti biag
mapukaw kinadamsak...
Kangrunaan ti amin, O, Apo,
sinuroannak manipud punganay
a mangted ti kaasi
ken managayat a puso.
No comments:
Post a Comment