Kinasaritak ti Rabii

Iti tengnga ti rabii, insangitko:
Asino ti agbiag iti daytoy
ayat nga adda kaniak?

Kuna ti boses: Siak, ngem
saanak nga agmaymaysa.
Apay nga adda dagitoy
sabali nga imahe kaniak?

Isuda ti refleksionmo, kunak.
Kas kapintasda idi dagiti
makipagili a taga-Roma,
agkakaarngi tunggal maysa.

Ngem asino daytoy nabiag
a sabali? inuntonmo kaniak.

Dayta ti nasugat a kararuak,
kinunak. Ngem kalpasanna,
intugotko kas maysa a balud.

Nakaam-amak, kinunam isut' 
gapuna nga inyunay-unayko
a dimo bulosan wenno palusposan.

Kinermannak ket intedmo kaniak
ti maysa a sinulid. Galutam, irutam.
Aluadam tapno di mapugsat, kunam.

Inyawatko ti imak tapno aprosanka.
Inwadagmo nga impababa, pinanilpiitmo;

Apay a nadamkeska kaniak? nagmalangaak.

Tapno ammom, adda pagsayaatanna.
Saan a gapu ta kayatka a mayadayo kaniak-
Ngem, siasino man nga aggandak a sumrek 
iti daytoy a lugar nga agkuna "Adtoyak,"
rumbeng laeng ti ima masipat
tapno maikkat-mawagwag kararua a nalaad.


KINASARITAK TI RABII
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com