 |
| [idi apaglabes a beinte ti tawen ni Baket] |
ti kinasayaat nga ugali
nga ipakpakitam
nasursurok ti agayat,
ti kinalasbang nga ik-ikutam
nasursurok ti agsurat iti daniw;
agkebba ti barukongko
gaput' isemmo nga awan
makarikna ken makakita
no di laeng siak.
no maminsan patiek a dayta
a makitak agbalin nga arte
a mayarkos iti kambas ti biag.
kunak man
rudy ram. rumbaoa
dagiti koleksion a daniw, sarita, kanta ken dadduma pay
www.samiwengkenayatnirudy.blogspot.com
No comments:
Post a Comment