Adda kadi makuna
a sibibiag ken patay?
No malipatan ti espiritual
a panagbiag ti maysa kadagiti
nangisuro kenka ket ti biag,
ubbaw ngem umapay ti sirib
ti panagsagaba ken kinarigat--
kunada no adu ti ammo,
adu ti sumangbay a kararua.
Saan kadi a maymaysa ti kararua?
'Niatayo, nangatngato ngem ayup?
Ngem kas gagangay a panagutob-isip
ti masangal no tiempo ti pannakasuot.
Adda ketdi panaguurnos dagiti bambanag:
ti tao nangatngato ngem ayup,
ti anghel iti labes ti tao.
Ngem apay a mabilin dagiti anghel
nga agtamed ken ni Adan?
Kayatna kadi a sawen nga agkumbawa
ti sabong a rosas iti siitna?
Bay-an a suroten ti kararua ti maysa
a natakneng, kas ti maysa a tao--
kas ti sinulid a sumurot iti dagum...
KAS TI SINULID A SUMUROT ITI DAGUM
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com
No comments:
Post a Comment