Sika a Ramut

[Nabulod laeng ti ladawan a naaramat]

Nagkupas ti ayat iti pusok-
ipagarupkon no natayen.

Ita, nagtubo ti baro a sabong;
nagrampaya dagiti bulongna
ken agayamuom ti banglona.

Ngem apay a daytoy a sabong
kasta unay ti banglona
ken dagiti bulongna
awan patinggat' panagdakkelna?

Wen, kaanonto aya a makeltayka-
sika a ramut a mangsugat ti pusok?


Sika a Ramut
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com