No Awan

Sika a kaingungot,
ay-ayatek...

No awankat' dennak
Saan a balanse ti biagko,
No awan kinasiribmo
Saan a managparbeng desisionko.

No saanka nga ismarte
Awan panagtalek iti aramidko,
No awan kinaimbag a panagpuspusom
Diak maaddaan ti klaro a konsensia.

No awan impluensiam tapno agbalbaliwak
Awan ti nasayaat a bunga ti biagko-

Ket gapu iti kaaddam kaniak,
Adda anag ken importansia ti panagbiagko...

Naragsak a Panagkasangaymo!


No Awan
[Kenka Baket- ita nga Aldaw a Panagkasangaymo]
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com]