Paskua Manen

[Nabulod laeng ti ladawan a naaramat]


Ikidemmo dagiti matam
Ket padasem a panunotennak
Ammok a nakaadayokan
Ngem umayakto manen iti sabali a bigat
Ladawamto ti mabati a pakalaglagipak
Sika ti bagnos ti imahinasionko
A mangsapul iti kaipapanak
Ta uray no nadawel ti rabii
Adayo ti paraiso
Mamatiak iti agnanayon
Sumingising ti baro a namnama.
Wen, urayek ti aldaw a panagsublim
Ket mautobmo ti kinapateg
Daytoy ayatko ita a Paskua.

PASKUA MANEN
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
Karaman iti libro nga AWENG: Antolohia Dagiti Napili a Daniw ken Sarita Dagiti Mannurat iti Bacarra [2008]