 |
| [nabulod ti ladawan a naaramata] |
nagtugawak iti rabaw
ti dakkel a bato
ta kayatkot' aginana,
nadanonkon ti sabali pay
a pagpatinggaan
ti suli daytoy a lubong,
iti asul a tangatang
iti labesna nakitak
ti narangrang a langit--
adda sadiay ti kinaagnanayon
ngem ngatingaten ti tedtedda a pait
panagbiahe't adayo a maibislibislin.
mariknak naapgad a palayupoy
ti angin; makasulek iti mata
ti darat nga ipalais ti disierto,
ket ti panangiyangadko ti rupak
iti ngato, ti init, kas iti nabanglo
a sabong ngem narungsot
a kaarngi ti ngipen ti leon...
ti sabali pay a pagpatinggaan
rudy ram. rumbaoa
dagiti koleksion a daniw, sarita, kanta ken dadduma pay
www.samiwengkenayatnirudy.blogspot.com
[cr]o8.2o11
No comments:
Post a Comment