Panagtawataw

daydi ti naudi a taldiapko:


inem-em-emak
nakana a liday
iti linikudak
a pagilian
nagtawataw tapno
isagana ti masakbayan,
patiek dinak lipatan
ta imbatik 
dagiti tugot
iti namnamaek
a pakasarakak--


tunggal rabii,
imdengak samiwengmo
a maipalais kaniak
nga agur-uray
a mangpasangbay
pannakaipasngay sabali
a bigat tapno
mangep-ep iliw
iti barukong iti kaaddak
ti gangannaet
a lugar--
kawaw panunot
makawaak unay
iti diak pannakarikna
bara dagiti arakupmo...




PANAGTAWATAW
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com