Kunak Man...

umayka, ipakitak ti pudno
a langa ti lubong iti labes
ti paggargarawanta.
umayka, ipatuldok ti dalan
nga agturong iti lawag
ta nasipnget unay ditoy
a pangibagaak amin nga ammok.
no makaruarka ti naggapuanta
dika tumaliaw iti malikudam,
darsem ketdi ti umadayo
ket asakem desdes a kaikariam.

dika makipagtaeng kaniak;
daytoy ti lubong a pagbibiagak
nga adayo iti pangen dagiti tao,
adayo iti moderno a panawen,
awan ragsak ngem mariknak
ti kaadda ti eternidad--
ti solitudo a kaikariak...




kunak man
rudy ram. rumbaoa
dagiti koleksion a daniw, sarita, kanta ken dadduma pay
www.samiwengkenayatnirudy.blogspot.com