kunak man...

adda kad' pay la panagduaduam
uray no nagmamaysan ti pusota?

adda kad' pay la makatubeng
a mangkibkibor iti panunotmo
ta dinak man la pagtalkan?

ah, sawem ti pudno, dungngo,
arikapem, denggem pitik ti pusok
ta no awan man la ti kaimudingak
ikarik, lipatenkan...





kunak man
rudy ram. rumbaoa
dagiti koleksion a daniw, sarita, kanta ken dadduma pay
www.samiwengkenayatnirudy.blogspot.com [o2.2o15]