Kunak Man...

[Nabulod ti ladawan a naaramat]


aggunayak kadagiti kurba a pagnaan
ti dara, italmegko dagiti nagsarimaddeng
a lalaem tapno mangngegda ti musika,
agparuar iti tubbog ti bagi ket serkenna
amin a lussok a mabalin a pagnaan iti kasta,
mangparnuay iti simple a duayya a mangtiliw
ti atension ti lapayag. wen, agbaniagaak
kadagiti lugar a diak pay napnapanan ta sadiay
awan nalawag a pagilasinan ti kinadatdatlag
uray pay ti amin a balon nga adda kaniak
imetna ti nagkaadu a saludsod; ngem mabigbig
dagiti pagdaliasatan babaen ti kaarngi a pagilasinan
ti maysa nga ayamuom wenno kinabanglo--
kas iti kudil ti ay-ayaten; mabigbig ti maris ti mata
ngem dinto pulos mabalingling wenno mapusipos.....
.
.
KUNAK MAN
[Naadaw iti maysa a paset ti daniwko- PANAGBANIAGA
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com