Komustaka?

 

komustaka, kas met la kadi ti dati?

adda kadi nagnaan 'di kari?

ah, kunakto pay diak nagkamali,

nagkarika ngem gayam narasi.

wen, kunak, komustaka?

ah, dika pay nagbalbaliw, aya?

impagarupko no naiwagsakmon

ugalim nga ingget nakasusuron!

kunak ngarud a komustaka,

awan nagbanaganna, mabainka?

kasta a talaga, burburtia ti biag

no dika agsalukag ken agarapaap.

ala baliwamto manen nga irugi

indiamon dagiti paggarteman a madi

ta no saan, adu't oras a masayang

marakrak ti pamilia ken masakbayam.

kunak ngarud kenka idi no agkitata

umuna a damagek no adda nagpiaanna

naikupin sabali a tawen, nabayag dayta:

komustaka, adda kadin nagbaliwanna?

.

.

.

.

.

KOMUSTAKA?

Rudy Ram. Rumbaoa

samiwengkenayatnirudy.blogspot.com

[nabulod ti ladawan a nausar]