Diak Agsuko

 

alun-unen man ti rapas

a panawen iti saan a maitangep

a gasat, sumingay ket tumpuar

ti dinto sumina a lawag agingga

a masirayannak. widawidak ketdi

dagiti dana iti sangnguanak

ta daytoy ti mangpaneknek

a masapulak ti desdes a kaikariak,

adda met agur-uray nga ayat kaniak.

diak agsanud, agabanteak ketdi;

imdengak ti rima ken nota

nga itiptipa ti pusok. diak agsuko

ta paset daytoy ti pakasuotak

iti biag ket diak ipalubos nga irarem

ken lemmesennak ti dakes a panagem

ti sabali; pagtalinaedek panunot 

nga agaraap kadagiti nadalus a banag--

ta isuda ti gamengko

.

.

.

.

.

diak agsuko

rudy ram. rumbaoa

samiwengkenayatnirudy.blogspot.com