Nabirokak ti Lugar

 

agdakiwaska, sika a luppo

iti amin a paset ti rupak;

umayka ket umasidegka--

ti kinainosente ken sirib

iti lugar daytoy nagtagiramay

a dilak nasapulanna ti biag, 

ti manggargari a panagsala

dagiti mungay iti bibigko,

ti aprosmo kaniak, naintek,

makasalibukag, sapsapulek 

'ta bibigmo, ti bibigmo 

sapsapulenna 'toy bibigko: 

ti dakulapmo iti dakulapko 

ket nabirokak ti lugar 

a nabayagen a tinagiurayko

a pagpasagan: ti agbabasa 

a sabong sukog-kueba,

riknaem ti ilalaemko ita.

.

.

.

.

.

nabirokak ti lugar

rudy ram. rumbaoa

samiwengkenayatnirudy.blogspot.com

[nabulod ti ladawan a nausar]