nagtawatawak a mayarig
ti mula a kaktus
iti disierto--awan
maawat nga alnaab;
nalikmutan ti darat
ngem dimmakel
ken immangraak a kas
kadagiti sabong a nalabbaga
naglumen ti panawen
ket napuypoy ti tapok
ken intayab ti angin
nga impalais iti sabali
a disso, napugas ti marka
ti tugot ngem agbaniaga
ti pakasaritaan
iti masakbayan tapno
agtalinaed iti panunot
ken lagip kas ti pusaksak
ti sabong a lilak,
ngem no ti pusom ken pusok
maduyok iti siit a balikas
ti daniw, dika lumdaang;
ti biag mayarig ti nagtawataw
a mula ti kaktus iti disierto--
a mataraonan iti dara...
.
.
.
.
.
ti biag [mayarig ti nagtawataw]
rudy ram. rumbaoa
samiwengkenayatnirudy.blogspot.com
[nabulod ti ladawan a nausar]
No comments:
Post a Comment