daytoy bagik agayus ti sagrado
a ling-et, bara nga agangsaw
iti barukong; mataronan ti maladaga
iti tubbog manipud ti malarosas
a mungay, kukua ti ay-ayatek
a lalaki ti nasamek a kueba
a pagrukbabanna agingga nga ilalaanna
ket kadagiti amin a pagsuknalan,
ditoy ti pakapnekanna.
ngem diak nasarakan ken naenkuentro
ti sabali a templo no di laeng
ti bukodko a bagi ti tay-ak
a ragsak a marikna a sapsapulek...
.
.
.
.
.
ti tay-ak a ragsak
rudy ram. rumbaoa
samiwengkenayatnirudy.blogspot.com
[nabulod ti ladawan a nausar]
No comments:
Post a Comment