i.
Agsaoak laeng
iti pronombre,
mangtignay a sao
kadagiti banag a matagikua:
kas iti makita ti kinalawa
ti asul a tangatang,
say-open ti banglo
dagiti sabong ti rosas.
ii.
Adda dita ti balikas
ket ti musika
adda iti balikas,
ken adda met
dagiti banag a makita
iti tagtagainep
ken imahe.
Piliek ti maysa-
ti mismo a bagi,
ti daniw,
ti arapaap
ken realidad.
iii.
Ngem ti kakaisuna
a tarigagayko:
ti mangisao
ti balikas
ti kinapudno.
Panagpitik, biag.
Kinadalus ti konsensia
nga agsao a direkta aggapu iti puso
nga agserbi para kadagiti
makangngeg
ken makaawat.
.
.
.
.
.
tallo a daniw
rudy ram. rumbaoa
samiwengkenayatnirudy.blogspot.com
No comments:
Post a Comment